NPP "Rusino/Pollog" është një ndërmarrje publike ndër-komunale e themeluar nga të nëntë komunat e rajonit të Pollogut me qëllim të menaxhimit të deponisë "Rusino" si dhe zbatimin e të gjitha masave të nevojshme për të siguruar efikasitet ekonomik në operim në përputhje me parimet dhe normat ligjore për mbrojtjen e mjedisit jetësor gjatë menaxhimit të mbeturinave komunale jo të rrezikshme.
Deponia Rusino gjendet në jug të qytetit të Gostivarit, në një largësi prej rreth 8 km ose rreth 10 km nga qendra e qytetit, në shpatet e malit Bukoviq, në lartësi mbidetare rreth 800 m.
Deponia Rusino menaxhohet nga Ndërmarrja e përbashkët publike RUSINO/POLLOG, e cila është themeluar më 03.01.2022, nga Komuna e Bërvenicës, Komuna e Bogovinës, Komuna Vrapçishtit, Komuna e Gostivarit, Komuna e Zhelinës, Komuna e Jegunocit, Komuna Mavrovë dhe Rostushë, Komuna e Tearcës dhe Komuna e Tetovës të cilat në procedurë të duhur ligjore miratuan Akt për themelimin e ndërmarrjes së përbashkët publike për menaxhimin e mbeturinave në rajonin e Pollogut.
Ndërmarrja publike RUSINO kryen aktivitete që kanë të bëjnë me menaxhimin e mbeturinave, zhvillimin e mëtejshëm të deponisë Rusino në një deponi për mbetjet komunale jo të rrezikshme, organizimin dhe menaxhimin e objekteve të reja të deponimit të mbeturinave, menaxhimin e objekteve të tjera të mbetjeve që do të përfitojnë nga menaxhimi i mbetjeve të ngurta në Rajonin e Pollogut, si dhe aktivitete të tjera të përgjithshme për menaxhimin e mbeturinave, përfshirë kontraktimin me kompani të tjera, të cilave mund t'u caktohet një pjesë e aktiviteteve.
“ Mbetje komunale ” janë mbeturinat shtëpiake, si dhe mbeturinat tjera të krijuara në sektorin tregtar dhe industrial, ...
“ Mbetje inerte“Është mbetje që është rezistente dhe nuk i nënshtrohet ndonjë transformimi të rëndësishëm fizik, kimik ose ...
Nga sot Rusino prodhon vetë energjinë elektrike nga paneli diellor Sot në deponinë ...
